رواية بطعم الفانيليا الفصل الأول 1 بقلم هند إيهاب

رواية بطعم الفانيليا الفصل الأول 1 بقلم هند إيهاب

رواية بطعم الفانيليا البارت الأول

رواية بطعم الفانيليا الجزء الأول

رواية بطعم الفانيليا الحلقة الأولى

– مش قولت لك يا ماما متتعبيش نفسك وسبيني أنا أعمل الفطار
– يعني هتعملي أيه ولا أيه بس، يلا صحي أبوكي عشان نفطر كُلنا سوا
– عيني
روحت صحيت بابا وطلعنا كُلنا قعدنا علي الترابيزه الصُغيره بتاعتنا، وقالت:
– لسه ملقتش شُغل يا إيهاب!!
هز راسه وقال:
– أديني بدور أهو
– حسبي الله فيه، كان فيها أيه لو سابوكوا تكملوا الشُغل
– ولا يهمك يا بابا من بُكرا هنزل أدور علي شُغل، متحملش هم، وراك رجاله
ضحكنا والضحكه مليانه حُزن مستخبي، من ساعة ما المصنع أستكفي بالعدد ومشوا ناس وحياتنا متلخبطه، قومت وبدأت أروق البيت، وبعد يوم طويل نمت وقررت أصحي بدري.
– صباح الخير ياما
– صباح النور يا قلب أُمك، أنتِ نازله!! طب مش تفطري الأول!!
هزيت راسي وقولت:
– مش عايزه أتأخر، عايزه أخُد اليوم من أوله
– ربنا يوقف لك ولاد الحلال يا بنت بطني
ابتسمت ونزلت، لقيت بابا طالع بالفطار طبعت بوسه علي خده ومشيت.
فضلت ماشيه لحد ما بقيت أدخُل محلات، كافيه، مطعم، لحد ما لقيت محل أيس كريم، دخلته وأتقبلت فيه وبقيت شغاله ويتر.
لبست اليونيفورم وبقيت رايحه جايه باخُد طلبات وبقدم.
كان يوم خفيف ومحسيتش بتعب، روحت وأنا مبسوطه أني قدرت أشتغل حتي لو مش هقدر أكفي المصاريف بس علي الأقل هقدر أسد شويه.
– أنا أسف
قومت وقفت وقولت:
– علي أيه بس يا بابا
– أنك نزلتي تشتغلي بسببي
ابتسمت وقولت:
– مستكتر عليّ أشيل جُزء صُغير من الجبل اللي فضلت طول عُمرك شايله، أنا مهما أعمل مش هوصل للي كُنت بتعمله معانا
– أن شاء الله هنزل وأدور ومش هخليكي تكملي في الشُغل
ابتسمت وقولت:
– تشرب شاي معايّ!!
– بالنعناع!!
ابتسمت وقولت:
– بالنعناع

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بطعم الفانيليا)